{M} Inner Thoughts 005: Country Name: Filipinas? 'Di Nga?

FROM THE MAIN BLOG:

Originally posted on 30 July 2013

For the previous episode, click here.

PAUNAWA: Huwag po sanang ikasama ng inyong kalooban kung halimbawa'y nasaktan o natamaan kayo ng mga nasusulat dito. Maaari po kayong mag-komento (ngunit dadaan po muna ito sa approval bago mailathala rito) kung pakiwari niyo po'y may mali po sa aking nabanggit o may iba pa po kayong mga naiisip. Pinapayuhan din na kung maaari'y basahin po ninyo hanggang sa dulo ang blog post na ito upang magkaroon kayo ng mas kumpleto at mas kongkretong pang-unawa sa inyong nabasa. Maraming salamat po.

---0o0o0o0o00o0o0o0o0o0o0o0o0o0o0o0o0o0o0o0o0o0o0---

Medyo not so latest ang topic na ito pero kahit gaano man kaluma ang isang isyu, entitled ang bawat tao sa kanyang malayang pagpapahayag ng kanyang saloobin.

Noong nakaraang buwan, nag-suggest ang Komisyon sa Wikang Filipino na palitan ang pangalan ng bansa at kilalanin ang bansa, mapa-wikang Ingles man o Filipino, sa pangalang "Filipinas".

Ayon sa isinumiteng suhestyon, ang "Filipinas" ay ang "orihinal at opisyal na pangalan ng bansa" mula nang sakupin ng mga Espanyol ang bansa hanggang sa dulo ng ika-19 siglo. Isa lang po iyan sa pagpapaliwanag ang komisyon sa website nito. (See http://www.kwf.gov.ph/?page_id=3121.)

Gayunpaman, umani ng blockbuster na negative comments ang naturang panukala. Kesyo pangit daw pakinggan, kolonyal ang dating at iba pa.

Kahit po ang inyong lingkod ay hindi po sang-ayon dito.

Unang-una, oo nga't orihinal nga na bansag sa bansa natin ito, pero ang hirap nang baguhin ang pangalang taglay natin mas lalo na't the international community recognizes us as "The Philippines", or officially "The Republic of the Philippines". Hindi na natin kailangang balikan pa ang nakaraang "Filipinas" na inaalipin at pinapahirapan ng dayuhan. Having "Pilipinas" or "the Philippines", though they are just names, but they stand for the independent nation situated west of the Pacific.

Nagtataka lang ako, may bansa ba kaya sa mundo na nais magpalit ng panglan? I never heard of such. If this will realize, naku, laughing stock na naman ang bansa natin, iisipin ng global community na imbis serious concerns ang intindihin at baguhin ang internal systems ay mukha 'atang sa pagpapalit ng pangalan ng bansa tayo nagsisipag.

Pangalawa, ang paglalahad ng negatibong reaksiyon ng higit sa nakararaming Pilipino ay isang simbolo na mayroong national identity na kinikilala ang sambayanan sa sarili nating bansa, at ito'y "Pilipinas" sa wikang Filipino at "Philippines" sa wikang Ingles. In other words, strong opposition to the proposed name "Filipinas" is enough to consider the steadfast and obvious face of national identity of the Filipinos.

Pangatlo, lantarang paglabag sa kasalukuyang Saligang Batas ang pagpapalit ng pangalan ng bansa. Actually hindi lang sa kasalukuyan, pati na rin sa historical constitutions ng bansa: 1935, 1943, 1973, 1986 (Freedom) at ang effective as of now na 1987 Consititution, tanging ang 1899 (Malolos) Constitution lang ang hindi gumamit ng "Philippines" dahil nga ang orihinal na teksto nito ay nakasulat pa sa wikang Kastila. Mula 1935, "Philippines" (o "Philippine Islands") na ang tawag sa bansa natin. If they want to insist this, palagay ko'y kailangan pang dumaan sa charter change o sa pagda-draft ng bagong saligang batas ito. Tingnan niyo, pahihirapan pa ba natin ang bansa natin dahil lang sa pagpapalit ng pangalan? What the heck. Poverty incidence almost has not changed, additional national reforms pending institution, iyan ang dapat nating asikasuhin!

May isang report na nagsasabing job daw iyan ng Komisyon sa Wikang Filipino (KWF) kaya naiintindihan daw sila ng Malakanyang. Whew, trabaho talaga nilang magpalit ng pangalan ng bansa? I think wala na 'ata silang magawa diyan e, wala nang maisip na ibang problema kaya pati pangalan ng Pilipinas ay gusto nang butingtingin.

Nananawagan lang po ako sa bumubuo ng KWF, ibaling niyo po sana ang pansin ninyo sa maling paggamit ng sambayanan ng wika natin! Bigyan ko na po kayo ng halimbawa: 'yung "ng" at "nang", marami pong hindi nakakakuha niyan! 'Yung mga maling paggamit ng pormal at di pormal na mga salita, pati sa mga ulat panahon ay madalas kinakikitaan ko rin po ng kamalian! Sa halip na "makararanas" (pormal) ay "makakaranas" (di pormal) po ang ginagamit. At saka may ilan pong hindi batid ang pagkakaiba ng "Filipino" at "Pilipino", maging ang isang sikat na palabas sa telebisyon ('di ko na po babanggitin) ay mali ang pagkakagamit! Sana po iyan po ang pagtuunan natin ng pansin.

Please KWF? Hayaan niyo na po sanang "Pilipinas" ang itawag natin sa bansa natin, at "Philippines" ang gagamitin ng lahat 'pag usapang Ingles! Magmatyag po sana tayo gayon nga't binigyan po tayo ng mandato bilang isang komisyong nagbibigay-halaga sa ating wikang pambansa. Please?

|| pHLJoeCo032716584>15>lQObeo

{M} Tips on First Day of Classes

FROM THE MAIN BLOG:

Originally posted on 31 May 2013

Wait, bago ako magsimula, I'll just say a few sentences.

To those blog readers who are not based in the Philippines, just so you know, classes in our country commence every June and end on either March or April. Thus, this blog post is made in time for the upcoming opening of classes in the Philippines next month.

Ayan. Naku, June na naman! Iinit na naman ang mga upuan sa mga classroom dahil nga'y papasok na naman tayo...ay, kayo pala!

Sure na sure ako na nag-iisip kayo what to expect pagpasok ng klase.'Yung iba diyan kinakabahan na, either natatakot kung anong klaseng kaklase na naman ang makakaharap nila, o natatakot sa subjects na haharapin. 'Yung iba naman ay tuwang-tuwa kasi may baon na naman, makikita na naman si crush, o magsisimula muling mag-multiple choice ng mga guys o gals sa campus.

Magbibigay lang naman ako ng tips kung ano ang dapat gawin bago at sa araw ng pasukan.

Bago magpasukan

1. Dahan-dahaning ikundisyon ang sarili.
Heto nga't ilang araw na lang ay magsisimula na naman ang klase, medyo tanggapin ninyo na magti-"till we meet again" na kayo ng summer vacation. Puwede pa rin namang magsiyesta kaso kailangang naka-set ang mind mo na magpapasukan na, para hindi kayo mabigla sa araw ng pasukan.

2. Tabunan ng excitement ang kaba.
Mas magandang isipin kung sinu-sino ang makikita mo sa pagpasok mo sa first day rather na alalahanin na mas mahirap na ang mga subjects na kakaharapin mo. Natural lang na mas mahirap ang susunod kasi nga "promoted to next level" ka nga e.
Isipin mo na lang kung ano nang hitsura ng mga classmates mo pagbalik, may tumaba ba, umitim, tumangkad, atbp.

3. Tawagan ang mga kaklase
Medyo not applicable to all ang tip na 'to mas lalo na sa mga transferees at mga Freshman students.
Pero makatutulong ito upang bigyan ng mindset ang sarili bago magpasukan. Tanungin mo sila sinu-sino pa ang posible ninyong maging kaklase pa sa June, sinong mga teacher ang magtuturo sa inyo. Basta't pag-usapan ninyo at mag-imagine kung ano kayang mangyayari sa inyo sa susunod na sampung buwan ng eskwela like Intrams, Buwan ng Wika, school foundation day, JS Prom, etc.

4. Mag-set ng goals
Habang wala pang klase at hindi pa busy sa mga assignments at projects, ito ang tamang panahon para bigyan ng challenge ang sarili: ang magbigay ng goals.
Mag-set ng goals sa lahat ng aspeto mapa-aral (dapat lahat pasado), pinansyal (makaipon, makabili ng bagay-bagay), sosyal at kung ano pa. Siguraduhin lang na tama at makatotohanan ang mga kundisyones.
Mawawala ka ng panahong mag-set pa ng goals kung gagawin mo iyan kaalinsabay ng mga takda sa school. Dapat talagang sa una pa lang ay alam mo na ang dapat mong gawin pagpasok pa lang on the first day.

5. Huwag nang magpuyat at magtamad-tamaran.
Isa sa magandang disiplina ng isang tipikal na pamilyang Pilipino ang laging pagpapaalala na matulog na nang maaga habang papalapit nang papalapit ang pasukan. Taun-taon kong naririnig iyan mula sa aking mga magulang na "hoy, matulog na't magpapasukan na".
At magpaka-busy na rin kayo para hindi kayo mabigla sa buhos ng sandamakmak na mga ipapagawa sa inyo, mga research, homework, essay sa panahong mas madali na ang paghahanap ng kasagutan. Keep in mind na mas tumalino na rin ang mga guro sa pagbibigay ng assignment at sasabihin nila sa inyong "pwede naman nang mag-internet ah?" Kaya ngayon pa lang ay bigyan na ang sarili ng mga pwedeng pagkaabalahan, take note, produktibong pagkakaabalahan.

{P} Eleksyon 2013: Resulta sa Lungsod ng Maynila (Alkalde at Bise-Alkalde)

FROM THE MAIN BLOG:

Originally posted on 17 May 2013

Ginanap ang eleksyon sa Maynila kaalinsabay sa pambansang halalan noong Mayo 13, 2013.

Inabangan ng mga Manileño ang resulta ng halalan sa pagka-alkalde kung saan naglaban ang kasalukuyang nanunungkulang si Mayor Alfredo Lim at ang dating Pangulong Joseph Estrada.

Hindi rin naman pinalampas ng mga mamamayan ng Maynila ang labanan sa bise-alkalde kung saan nagtuos ang kasalukuyang bise-mayor Isko Moreno (Domagoso) at ang artista-konsehal Lou Veloso.

Sa huling ulat sa transparency server ng COMELEC (16 Mayo 2013, ganap na ika-10 ng gabi), may mahigit sa 90% na ang naipapasang resulta mula sa iba't ibang bahagi ng lungsod. Sa 16 na geographical districts, tanging San Andres at Sta. Mesa na lamang ang hindi pa nakakapagpadala ng resulta.

Narito po ang resulta ng eleksyon sa pagka-alkalde sa bawat distrito heograpikal ng Maynila (mula sa COMELEC):

Distrito	Joseph Estrada (UNA)	Alfredo Lim (LP)	Invalid/Blank Votes [Note 1]	Aktwal na Bumoto
Binondo	2,728	2,822	219	5,769
Ermita	2,103	2,400	210	4,713
Intramuros	2,086	1,325	99	3,510
Malate	15,315	11,196	1,017	27,528
Paco	14,151	11,997	972	27,120
Pandacan	16,524	14,493	1,188	32,205
Port Area	8,602	6,093	776	15,471
Quiapo	6,675	6,593	430	13,698
Sampaloc	64,173	65,177	4,183	133,533
San Andres	---	---	---	---
Sta. Mesa	---	---	---	---
San Miguel	2,103	2,984	198	5,285
San Nicolas	7,946	6,204	513	14,663
Sta. Ana	37,103	27,209	2,470	66,782
Sta. Cruz	26,141	26,693	1,551	54,385
Tondo	119,638	107,525	6,016	233,179
TOTAL	325,288	292,711	19,842	637,841

[1] Datos ayon sa sariling pagkwenta, hindi mula sa COMELEC.

Narito naman po ang resulta ng eleksyon sa pagka-bise alkalde sa bawat distrito heograpikal ng Maynila (mula pa rin sa COMELEC):

Distrito	Isko Moreno Domagoso (UNA)	Lou Veloso (LP)	Invalid/Blank Votes [Note 2]	Aktwal na Bumoto
Binondo	3,071	2,249	449	5,769
Ermita	2,652	1,653	408	4,713
Intramuros	2,443	778	289	3,510
Malate	16,600	8,968	1,960	27,528
Paco	15,475	9,803	1,842	27,120
Pandacan	14,615	15,784	1,806	32,205
Port Area	10,465	3,160	1,846	15,471
Quiapo	8,382	4,347	969	13,698
Sampaloc	74,503	50,970	8,060	133,533
San Andres	---	---	---	---
Sta. Mesa	---	---	---	---
San Miguel	2,183	2,698	404	5,285
San Nicolas	9,260	4,304	1,099	14,663
Sta. Ana	37,170	25,167	4,445	66,782
Sta. Cruz	32,680	17,805	3,900	54,385
Tondo	143,821	75,247	14,111	233,179
TOTAL	373,320	222,933	41,588	637,841

[2] Datos ayon sa sariling pagkwenta, hindi mula sa COMELEC.

Sa ibaba naman po ang mga color-coded na mapa ng Maynila upang magkaroon ng biswal na pang-unawa ang mga mambabasa sa naging resulta ng halalan.

Nakahati sa distrito heograpikal ang mga mapa, ang kulay ng bawat distrito ay depende sa kung sino sa mga kandidato ang may pinakamaraming boto sa lugar na iyon.

• Alkalde ng Maynila

(Itaas) Mapa ng Maynila na nagpapakita ng resulta ng eleksyon sa pagka-alkalde.
1: Binondo; 2: Intramuros; 3: Pandacan; 4: Quiapo; 5: San Miguel; 6: San Nicolas.
Ang orihinal na mapa ay nagmula sa Wikipedia.

• Bise-Alkalde ng Maynila

(Itaas) Mapa ng Maynila na nagpapakita ng resulta ng eleksyon sa pagka-bise alkalde.
1: Binondo; 2: Intramuros; 3: Pandacan; 4: Quiapo; 5: San Miguel; 6: San Nicolas.
Ang orihinal na mapa ay nagmula sa Wikipedia.

|| cHNJoeCo03277iXi5145XQObk

{P} Eleksyon 2013: Resulta ng Eleksyon sa Konsulado ng Pilipinas sa Guangzhou, Tsina

FROM THE MAIN BLOG:
Originally posted on 14 May 2013

Nagsimula ang pagbibilang ng mga boto sa Konsulado-Panlahat ng Pilipinas sa Guangzhou, Tsina sa ganap na 8:08 ng gabi.

Ayon sa konsulado, may 241 na valid ballots ang kanilang natanggap, ito ay may 140% na pagtaas laban sa bilang ng mga balota noong Eleksyon 2010 (101 na balota lamang).

Ayon sa panuntunan ng COMELEC, bibilangin ang mga boto sa kada isandaang balota, kaya binilang ng mga opisyales ng konsulado ang mga boto matapos basahin ang unang isandaan, sumunod na isandaan, at ang huling 41 na boto, pagkatapos ay siya namang susumahin ang lahat ng nakuhang boto ng kandidato.

Narito po ang kumpletong resulta ng eleksyon sa Guangzhou, Tsina sa pagkasenador.

RANK	NAME OF CANDIDATE	100TH BALLOT	200TH BALLOT	241ST BALLOT	TOTAL	% [1]
1	GORDON, DICK	69	66	22	157	65.1%
2	LEGARDA, LOREN	62	60	22	144	59.8%
3	ESCUDERO, CHIZ	54	55	28	137	56.8%
4	CAYETANO, ALAN PETER	59	57	16	132	54.8%
5	PIMENTEL, KOKO	51	62	17	130	53.9%
6	MAGSAYSAY, RAMON, JR.	48	57	22	127	52.7%
7	HAGEDORN, ED	51	49	24	124	51.5%
8	ANGARA, EDGARDO	51	53	19	123	51.0%
	AQUINO, BENIGNO BAM	48	52	23	123	51.0%
10	HONTIVEROS, RISA	55	47	20	122	50.6%
11	POE, GRACE	52	39	19	110	45.6%
12	TRILLANES, ANTONIO IV	39	47	14	100	41.5%
	ZUBIRI, MIGZ	46	39	15	100	41.5%
14	HONASAN, GRINGO	40	47	10	97	40.2%
15	EJERCITO, ESTRADA JV	34	25	7	66	27.4%
16	ENRILE, JUAN PONCE, JR.	29	29	7	65	27.0%
	VILLAR, CYNTHIA HANEPBUHAY	25	32	8	65	27.0%
18	BINAY, NANCY	26	29	9	64	26.6%
19	VILLANUEVA, BRO. EDDIE	27	27	9	63	26.1%
20	CASIÑO, TEDDY	23	20	14	57	23.7%
21	MADRIGAL, JAMBY	27	23	5	55	22.8%
22	MACEDA, MANONG ERNIE	21	26	6	53	22.0%
23	MONTAÑO, RAMON	21	24	2	47	19.5%
24	COJUANCGO, TINGTING	14	26	4	44	18.3%
25	MAGSAYSAY, MITOS	11	10	10	31	12.9%
26	DELOS REYES, JC	10	10	2	22	9.1%
27	ALCANTARA, SAMSON	10	6	2	18	7.5%
28	PENSON, RICARDO	6	8	3	17	7.1%
29	SEÑERES, CHRISTIAN	6	7	3	16	6.6%
30	DAVID, LITO	7	7	1	15	6.2%
31	BELGICA, GRECO	4	7	1	12	5.0%
	LLASOS, MARWIL	5	5	2	12	5.0%
33	FALCONE, BAL	5	5	0	10	4.1%

[1] Paraan ng pagkwenta: Suma ng bilang ng boto nga kandidato inihati sa kabuuang bilang ng mga balota

|| cHNJoeCo03277iXi5145XQObm

{M} Eleksyon 2013: Too early to decide?

FROM THE MAIN BLOG:

Originally posted on 10 Jan 2013

Maaga pa nga ba sa ngayon para magdesisyon kung sino ang ating ihahalal sa darating na May 13, 2013 midterm elections kung saan boboto tayong mga rehistradong botante ng mga susunod na senador, congressman, party list representatives, governor, vice governor, provincial board members, city/municipal mayors, city/municipal vice mayors, at mga konsehal (councilors) ng bawat siyudad o bayan?

For everybody's information, especially to my foreign blog viewers, local elections in the Philippines are held every three (3) years. The local government positions that are to be decided by the Filipino voters this coming May are stated at the previous paragraph. Meanwhile, the Philippine presidential elections are held every six (6) years, therefore, the presidential and the local elections coincide in every six years. The local election which falls on the third year after the most recent presidential election is called midterm election, as the incumbent president is at his/her middle part of her term as chief executive.

The last presidential and local elections were held in May 10, 2010 where Pres. Benigno S. Aquino III and Vice Pres. Jejomar C. Binay won. Three years after, which is this year 2013, a local midterm election is scheduled as mandated by our 1987 Constitution.

Read more: {Type P} Inner Thoughts 001: Random Thoughts 1

This will be my very first time to vote, and this is my very first time to publicly discuss Philippine politics, dati hindi ko naman nagagawa 'to.

At ang masaya pa dito, isa akong overseas absentee voter.

Nagparehistro ako noong Nov. 2011 sa konsulado namin dito sa Guangzhou. Halos wala naman naging problema sa proseso maliban sa hindi ko matukoy kung saang geographical district ang aking barangay. Ayun, sabi sa records ng COMELEC, taga-San Nicolas, Manila daw ako, kasi doon ang barangay ko. E mula pagkabata'y Binondo ako nang Binondo.

Naaprubahan ang aking rehistro, kasama ng ilan sa aming mga Filipino students dito, noong Jan. 05, 2012 ngunit noong October ko lang nalaman kasi unang-una, walang nagsabi sa'min na approved na; pangalawa, hindi ko alam bakit may times na hindi ma-access 'yung DFA-OAVS website kung saan nakalabas ang mga pangalan namin; pangatlo, kung hindi sana dala ng trabaho ko dito (bilang kalihim ng student union ng mga Pinoy), malamang hindi ko pa rin ito alam.

(Above) From Department of Foreign Affairs Overseas Absentee Voting Secretariat website.

Simula April 13 hanggang May 13 ang voting period para sa aming mga absentee voters, ganun katagal kasi para mapagbigyan din ang ibang botante na manggagaling pa sa ibang siyudad, probinsya o bansa para lang makaboto sa pinakamalapit na embassy o consulate. Sa case ng Guangzhou consulate, may diplomatic jurisdiction ito hindi lang sa Guangdong province, pati na rin sa Hunan, Guangxi, at Hainan provinces, na milya-milya ang layo mula dito, parang Pagudpud hanggang Sorsogon ang biyahe (well, except kung mag-plane o high speed train na ginto ang pamasahe), paniguradong hindi abot o bangag ka (kung abot) sa election day if iisang araw nga lang iyon.

Ngayon nga'y alam ko nang isa na kong registered voter, nag-isip-isip na ko sinu-sinong senatoriables ang lalagyan ko ng shade sa bilog na hugis itlog. 'Yung party-list wala pa kong bet. Nga pala, mga senador at party list lang ang maiboboto ng mga absentee voters.

Read more: {Type E} Philippines' population now at 92.34 million!

Tumingin ako sa Wikipedia na tanging sandigan ko lang ngayon sa pagpili, nandoon kasi ang list ng candidates. As of this writing, meron na 'kong sampu (10) na iboboto, pito sa kanila ay siento porsyento kong iboboto, tatlo sa kanila ay maaari pero baka magbago pa isip ko na huwag na lang silang piliin. Kulang pa 'ko ng dalawa to complete the twelve.

Ops, hindi required na ma-complete ang twelve. Pwede kang mag-undervote, pero hinding-hindi ka pwedeng mag-overvote.

Ang pito na sigurado na ako ay may limang lalaki at dalawang babae. Ang medyo not sure na tatlo ay puro lalaki.

Sa sampung iyan, lima ang gusto kong bumalik o magpatuloy pa bilang senador. Ang limang natitira ay hindi pa nakaupo sa mga upuan doon sa Pasay, gusto ko lang na maipagpatuloy nila ang kanilang political agenda, this time, sa Senado.

One thing is for sure, hindi po ako mag-"straight" ng vote. May ilan na taga-UNA (of VP Binay and former Pres. Estrada) at may ilan ding taga-LP-Akbayan-NPC-NP-LDP coalition (or the Administration senatorial line-up).

Sa party list naman, inaamin ko wala akong masyadong alam sa mga isinusulong ng mga iyan maliban sa mga sikat na tulad ng para sa mga kababaihan, o kaya ay para sa ikauuna ng bayan ('di ako magbabanggit! Hehe!). Hindi pa 'ko makapag-decide sa ngayon ukol sa bagay na 'yan.

Read more: {Type M} Fail Moments, kahapon at ngayon (6th-7th March 2012)

Ang pamantayan ko sa pagpili ay tinignan ko ang track record ng bawat kandidato, kung may magagawa ba talaga siya habang nagpapainit ng mga upuan sa Batasan o sa GSIS Main Building.

Pero, hindi po ako nagpapadala sa mga survey survey na iyan. Sa katunayan, ang mga bet ko ngayon ay hindi tugma sa Top 12 o sa Top 15 na inilalabas nila.

May four months pa para mag-decide. Mahaba pa iyan. Marami pang pwedeng mangyari.

Kung halimbawang may itatanong ho kayo, magkomento lang ho sa ibaba, I will answer them to the best that I can.

|| cHNJoeCo0327Xi5045n3n3QOb1o